البدع/// خلف بن عطيه (الخلاوي)
*******
ماني مجامل على الضحكه على مزرعين
والشمس يحصل لها بعد الزوال الغروب
والشر لو نتبعه يكبر  ويتبعثراء
وكل صاحب نوده ما يبدل بغير
وضحكة السن دايم مانصاحب بها
*****************
الرد /// زايد بن عوض(صقر بجيله
****
يا ليت تسعدني الضحكه على مزرعين
مكاين المغربي منهـا زوال الغـروب
والزرع يعجبك يتكبـر ويتبع ثراء
واذا بغينا نسرع مـا يبـدى  البغيـر
وديرة البور تدري ما نصـى  حبهـا
****************
البدع// عطيه  بن عقدان
****
المعذره لو حصل تقصير ياشاعرين
ادري بكم والمحبه دايره في القلوب

قلوبنا عند بعض وشورنا منشرا
لكن هذا الحياه بها اليسر والعسير
نداري الوقت وآلاصحاب ندرى بها
*****************
الرد /// زايد بن عوض
****
في هيبة الاسد فالغابات ينشاء عريـن
والا الثعالب طبايعهـا تقلب  قلوب
للاسد والنمر وذياب الخلاء  منشـرا
ديارنا من شمال المملكه لا  عسيـر
ما ابغيك تشرح لنا عنها وانا ادري بها
*****************
 البدع /// احمد بن رده (ابوياسر)
****
لا حان وقت اللزوم ابتل مع الباتلين
اعلامنا لا بديناها سوا ما تعوب
عندي في السالفه باقي علامات را
والرازقي دوب ميل في عقود الظمير
واقلوبنا للملاقى في ولاماتها
*****************
الـرد//فاضل الخماش
****
يالله قصف رعدنا القاسية با  تليـن
والدرب الى ساعدتنا ماتسما  تعـوب
حوش القوافل وسيرها على  ماتـرى
واللي يشيل السراير في عقود الظمير
وشّى قبوسه ولا احياهـا ولا ماتهـا
*****************
البدع // عطيه بن عقدان
***
الله يديـم الرضـا يا اخوان ومجمليـن
بالمعرفـه والحكم دايـم تليـن الصعـوب
يسمع بها الي ابتعـد ونجيبها لمن  درا
ايمن الهيض فـي وسع الفلك وله  ادير
وابني قصايـد على سيسان وارقى  بها
*****************
الرد // خلف بن عطيه
****
نحـن ترانا حدينا العـيـس ومجملين
لكن عندي حمولا ما نقلها الصعوب
إنهد حيله مع الطلعات  والمندراء
وحليل سمحان ضاعت هيبته والهدير
وخبت نعمان غـط العـيس ورقابها
*****************
 البدع /// احمد بن رده
****
سلام مالهاجس اللي ساع يلغى يبين
وانحن مع مثلكم يا اصحابنا مانهوب
لكن وقتي بدال الزود يتقيصرا
مير إني احايله في كل الأحوال مير
يارب صون الصلاة اللي نصلي بها
*****************
الرد //  فاضل عبدالله الخماش
****
حي الله شعارنـا واهلين يالغايبيـن
بدلي بدلوي مادمت اشوف (ع)الماء نهوب
لوكان من بعد قيصر جاء ميـة  قيصـرا
قدامـه ابطـال يتقـدم عليهـا  الاميـر
عضامهـم قاسية مــالان صليّيبهـا